राक्सिराङ, मकवानपुर । मनहरीदेखि करिब ४ किलोमिटर दूरीमा रहेको चैनपुरसम्म यात्रा गर्न सर्वसाधारणले अटो रिक्सा चढ्दा प्रतियात्रु रु २०० देखि २५० सम्म भाडा तिर्नु पर्ने अवस्था रहेको भन्दै स्थानीयवासीले गुनासो गरेका छन् । छोटो दूरीका लागि अस्वाभाविक रूपमा बढी भाडा असुलिँदा दैनिक आवतजावत गर्ने विद्यार्थी, मजदुर तथा सर्वसाधारण प्रत्यक्ष रूपमा प्रभावित भएका छन् ।
स्थानीयका अनुसार सार्वजनिक यातायातको पर्याप्त विकल्प नहुँदा यात्रुहरू बाध्य भएर महँगो भाडा तिर्न विवश छन् । दैनिक रूपमा यात्रा गर्ने नागरिकहरूको खर्च बढ्दै जाँदा आर्थिक भार थपिएको उनीहरूको भनाइ छ । स्थानीयवासीहरूले सम्बन्धित निकायले भाडादरको अनुगमन नगरेको आरोप लगाउँदै उचित भाडा निर्धारण तथा कार्यान्वयनको माग गरेका छन् । उनीहरूका अनुसार छोटो दूरीमा समेत अत्यधिक भाडा लिइनु उपभोक्ता हितविपरीत रहेको छ ।
यस विषयमा यात्रुहरूको प्रश्न छ, मनहरीदेखि चैनपुरसम्मको ४ किलोमिटर यात्राका लागि रु २००/२५० भाडा तिर्नु पर्ने अवस्थाको जिम्मेवारी कसले लिने ? नागरिकहरूले यसतर्फ राक्सिराङ गाउँपालिका तथा सम्बन्धित सरोकारवाला निकायको ध्यानाकर्षण गराएका छन् ।
#राक्सिराङगाउँपालिका #मनहरी #चैनपुर #अटोभाडा #मकवानपुर #जनताकोआवाज
